Essysita's Photoblog

O juice ko, laywan mo akoooooo….

essysita — Tue, 17 Jan 2012 09:02:44 +0000

Ang laywan o mas kilalang honey bee ay isa sa mga hindi ko paboritong insecto. Na-alala ko nung grade 3 ako merong silang tirahan na malapit sa classroom namin at dahil pasaway kami ng mga dabarkads kong boys tinusok tusok at sinungkit sungkit namin yung bahay nila. Katulad ng mga na-demolish sa San Juan, nag-amok ang mga bubuyog at dinumog kami. Sa kasamaang palad isa ako sa napakaswerteng naasinta. Imbes na kaawaan kami ng super bait naming guro na si Ms. Julio napagalitan pa kami at buong hapong tumayo sa sulok ng classroom.

Twisted fairy tale

essysita — Mon, 05 Dec 2011 04:44:06 +0000

Year-end party ng office namin at animation ang theme. Kung sinu-sinong character ang lumabas! Sumbrang saya lang! Hahaha! At syempre hindi mawawala ang mga kalokohang photoshoot at isa na ito sa mga yun.

Drogo

essysita — Fri, 18 Nov 2011 16:19:41 +0000

In relation to my previous post, I would like you all to meet Drogo. Isa siya sa mga junakis ni BART.

Photo by: Leo Ocampo

Bestfriends

essysita — Tue, 15 Nov 2011 14:56:47 +0000

Hindi ko alam kung taga-san to specifically sa subdivision namin basta lagi ko silang nakikitang nalalakad tuwing hapon. Antayin nyong lumaki si Drogo! Bwahahhaha!

Peak 2

essysita — Sun, 13 Nov 2011 14:22:29 +0000

Sabi nila hindi ka daw ganap na estudyante ng UPLB kung hindi mo naakyat ang Peak 2. Sa tinagal tagal kong nakatira dito sa Los Baños ay ngayon ko lang naakyat ang Peak 2. Medyo challenging kasi maulan at hindi din namin nakita yung baba kasi ang kapal ng ulap pero it was a nice climb at masasabi kong ganap na ganap na ang pagiging UPLB student ko! Yey! . Sobrang nakakapagod nga lang talaga.

Day 008. Fern Gully

essysita — Thu, 03 Nov 2011 08:50:36 +0000

Natatandaan ko nung bata pa kami napanood namin yung animation na Fern Gully. Tungkol ito sa isang illegal logger na naging maliit at nakihalubio sa mga fairies. Kung nag eexist man ang mga fairies siguro may mga nakatira din dito.

Day 007. Piggy-Piggy, Oink-Oink

essysita — Mon, 24 Oct 2011 06:05:27 +0000

Isa ito sa latest addition sa ANIMAL FARM NI MAMITA. Siya si Oink-Oink, may asawa siya si Piggy pero camera shy siya. Bukod sa kay Piggy at Oink-Oink na pot-belly pig meron din si Mamitang dalawang landraces pero hindi na niya pinangalanan yun dahil ibebenta din naman daw nya. Napapaisip ako, ano na kayang next pet ni Mamita? Baka sa susunod may elepante na kami!

Day 006. No Fishing Allowed

essysita — Sat, 22 Oct 2011 02:29:54 +0000

Ito ang bumubgad sa mga residente ng kiung saan mang lupalop ng Laguna. Tinatayang mapanganib ang lugar dahil sa napapansing paglalim at paglawak ng sinasabing lugar. Napabalita na may muntikan ng malunod sa nasabing lugar dahil sa kamamadali noong kasagsagan noong nakaraang bagyo. Marami na din ang nahuling nangingisda dito kaya’t nagpasya na ang baranggay na gumawa ng hakbang upang maiwasan ang hindi kaaya-ayang mga pangyayari. Bawal nang mamingwit sa nasabing lugar ngunit maaring magpalaba sa kabilang ibayo.

Ito po ang inyong bayan patroller nag-uulat.

Day 005. Eleocharis vivipara

essysita — Fri, 21 Oct 2011 05:02:51 +0000

Ito as isang uri ng halaman na maaring mabuhay sa lupa o sa tubig. Kapag sa lupa siya tumutubo gumagamit siya ng C4 photosynthetic pathway at C3 pathway naman pag nasa ilalim ng tubig. Asteeg diba? Karaniwan itong ginagamit na palmuti sa mga aquarium.

Day 004. Light up! It’s Christmas!

essysita — Fri, 21 Oct 2011 02:32:27 +0000

Naglipana na naman ang nagagandahang mga Christmas decor sa daan. Yey! lapit na pasko! Dahil gabi na nun at takot akong mawalan ulit ng camera cellphone na lang muna ang ginamit ko dito.